Episode 29: UP Himigsikan 2010

FEBRUARY 11, 2010


At sumali nga sina Lyndon kasama ang mga kaibigang sina Louie, Chris, at Ramon sa Himigsikan. Ang Kappa Sigma - Kappa Delta Sigma Confraternity ang siyang organizer ng event na ito.


Ginanap ito sa Spencer's Fusion Bar and Restaurant sa Angeles City.



Sinalubong ng hiyawan at palakpakan ang event. Bago nagsimula, nag-opening prayer muna mula sa muse (raw?!!?) ng Kappa na si Misha...

MISHA: Lord, sa bawat tambol ng beat box, sa bawat tugtog ng gitara, sa bawat tinig ng boses na kumakanta, gabayan niyo po ang bawat isa, hindi lang ang Kappa, pero ang lahat ng kabataan na naghahangad ng pagkakaisa.


Taimtim na nagdadasal ang lahat...


MISHA: Salamat po sa gabing ito na kami po ay naririto sa gabi na aming pinaghandaan... sa gabi na aming kinasabikan. Dahil eto na.... HIMIGSIKAN na. Amen.


Pagkatapos ay nagsalita ang head o ang grand lady sigman ng confraternity na si Danica...


DANICA: Siyempre, bago natin simulan ang Himigsikan, kailangan muna nating alamin ang history nito kaya ito ay aking ikekwento...



DANICA: Himgsikan is a portmanteau (nosebleed?!!) of the Tagalog words “himig” (music) and “himagsikan” (revolution). It was originally conceptualized by the Kappa Sigma Fraternity as an annual songwriting and acoustic competition for campus bands and musicians in its effort to promote the flowering of culture and humanities in all its liberating forms. The first ever Himigsikan happened some 21 years ago today, in Feb. 25 1989, apparently to mark the 3rd anniversary of the EDSA “people power” revolt.

At ipinaliwanag naman ng lady master herald (in layman's term eh ang taga-sagap ng chismis sa UPEPP...) na si Jhec ang theme...


JHEC: This year’s Himigsikan has a theme....

“Rock Your Vote”
2010 Elections’ Hold to Our Future
Stand up, Sing out & Make a Difference

JHEC: Gaano kahalaga ba ang iyong boto sa darating na eleksyon? Malapait na ang eleksyon! Oras na para manindigan! Oras na para makialam! Maraming nagsasabi, " Bakit pa boboto, pare - pareho naman ang mga kandidato. Mangangako pero mapapako. Gagamitin lang ang taxes ng mga Pilipino para magpayaman. Wala nang pag - asa." Pero hindi totoong wala nang pag-asa. Meron, kung makikialam ka. Meron, kung maninindigan ka at magiging instrumento ng pagbabago. May pag-asa kung gagamitin mo ang iyong boto sa mabuting paraaan.



JHEC: At siyempre, bago pormal na magsimula ang Himigsikan, aming aawitin ang OST (movie? may OST? hahaha) or original soundtrack ng event na ito... ang "Himigsikan Official Song"


At tinugtog nina Jhec at ng Kappa Band ang Himig Official Song sa gitara...


HIMIGSIKAN OST... pakinggan niyo. Maganda 'to promise!





AT SIMULA NA NG HIMIGSIKAN...


Sina Lyndon ang unang sumalang na banda... Siyempre, kuntodo support si Helena. For the first time ever, tumili nang tumili si Helena bilang suporta kay Lyndon... Habang nagse-set-up ang mga kabanda ni Lyndon na sina Louie, Chris, at Ramon (as usual, forever bandmates sila)


LYNDON: Siyanga po pala, hindi lang Kappa ang fraternity rito. Meron din kaming fraternity... katatatag lang po ng aming kapatiran kaya welcome po kayong sumali...

At nang matapos na ang set-up nina Louie...


LYNDON: Kami po pala ang Tau Alpha Sigma o TA∑ Band... :))


Nagtawanan ang mga nakagets ng joke ni Lyndon... nakornihan naman ang mga hindi naka-gets o mga amoy TA∑... :)) Oh san ka lulugar niyan.. haha


LYNDON: Pero, siyempre, hindi naman TA∑ ang aming performance...


At sumeryoso ang mensahe ni Lyndon...

LYNDON: Alam kong hindi na bago sa pandinig ninyo at hindi na rin lingid sa inyong kaalaman na may mga pangyayaring nagaganap sa loob at labas ng bansa na sangkot ang iilang mga taong biglaang nalang nawawala at nababalitaang bangkay na pagkalipas ng maikli man o mahabang panahon. Ang mga terminong extrajudicial killings and forced disappearances ay iilan lamang sa mga mukha ng militarisasyon dito sa Pilipinas at maging saan mang sulok ng mundo.

Mataman na nakikinig ang lahat...

LYNDON: Huwag na tayong magpakalayu-layo pa. Dito na lamang sa ating mahal na pamantasan, hindi lingid sa atin na nakapaloob tayo sa base militar na pagmamay-ari ng pamahalaan kalukob din ang mga Amerikano. Subalit, hindi ito marapat na kadahilanan upang tayo ay manmanan ng mga opisyales na nagtatrabaho dito. Minsan pa nga, naninindak o nangha-harass ang mga sundalo sa ating mga estudyante. Gaya ng panananakot na ginawa ng dalawang sundalo sa amin ng pinakamamahal kong si Helena noong isang buwan. Pinagbintangan kaming NPA nang wala silang basehan.

Nagulat ang lahat sa kwento ni Lyndon...



LYNDON: Noon lamang February 6, inaresto ang 43 volunteer health workers sa Morong, Rizal dahil inakusahan silang mga miyembro ng NPA nang walang sapat na ebidensya. Bakit nga ba may mga NPA na marami sa atin ay hindi lubos na nauunawaan kung ano ba ang saysay ng kanilang pinaglalaban? At bakit tuloy ang mga militar sa pagpuksa sa kanila, ngunit paminsan ay nakakayurak na sila ng mga karapatang pantao? Inyo pong malalaman ang mga kasagutang ito sa aming kakantahin. Kaya sana sa darating po na eleksyon, kung sino man ang mahalal... sana magkaroon ng pagkakaisa sa Pilipinas. Kaya... rock the vote!

At sinimulan na nila ang pagtugtog ng kanilang kanta.. Si Lyndon ang vocalist at sina Louie (na second voice rin), Chris, at Ramon sa gitara.

***Use earphones para mas rinig yung kanta. TY***

Lyrics | Bamboo lyrics - Tatsulok lyrics

Nang matapos sila ay kuntodo palakpak si Helena... pati na rin si Sopheya na gf ni Louie. At parang si Caroline naman ay namamangha kay Ramon...


Marami nag-perform after nina Lyndon na may iba't-ibang mensahe tungkol sa kahalagahan ng isang boto sa darating na eleksyon na siyang magtatakda ng kinabukasan ng ating bansa...


JHEC: Ngayon naman po... may special guest tayong artista...!!!!


Napuno na naman ng hiyawan ang buong Spencer's...


JHEC: Atin pong i-welcome... Rayver!


Tilian naman ang mga babae...


CHELSEA: Aahhh... nandito si Rayver Cruz?!


JHEC: Hindi... pero nandito naman ang Rayver-Maya Band... :))


At lumabas ang sumunod na contestant ng Himigsikan... ang mga Business Economics freshmen...


Ang miyembro nilang si Jaja ang nagsalita para sa grupo...


JAJA: Sa pagpili po natin ng pinuno sa darating na eleksyon, kilatisin po sana natin sila nang mabuti. Dapat magaling ang pinuno... para magaling din tayong lahat na mga Pilipino.... dahil siya ang tutularan natin. Dapat hindi siya kurap, upang hindi rin tayo maging kurap. Kaya nga lamang po, dahil bata pa kami, hindi pa po kami pwedeng bumoto. Kaya sa mga makakaboto na sa May 10, iboto niyo po ang dapat tularan nating mga Pilipino...


At nagsalita rin ang miyembro na si Merven...


MERVEN: Kaya po Rayver-Maya ang banda namin ay dahil kamukha ko si Rayver Cruz (lamang lang siya ng isang paligo sa akin) at kaboses ko si Rico Blanco.


Kayo na bahala kung maniniwala kayo rito... hahaha


MERVEN: Dahil kami nga ang Rayver-Maya Band... Liwanag sa Dilim ang aming aawitin...


Sa audience naman...


SOPHEYA: Louie, para sa'yo pala ang kanta nila eh... Liwanag sa Dilim... baligtad nga lang...ikaw kasi ang Dilim sa Liwanag..

LOUIE: Hmmph! Sige mang-asar ka na naman...

SOPHEYA: Ito naman, hindi na nasanay. Alam mo naman kung bakit kita inaasar eh..

LOUIE: Bakit?

SOPHEYA: Kasi mahal kita... :))

LOUIE: Cheesy!


Sina Helena at Chelsea naman...


CHELSEA: Pir, kahit hindi naman hawig ni Merven si Rayver... may kakaiba pa rin siyang dating... para siyang may angst! Type ko siya...

HELENA: Ano ka ba! Bata yan!

CHELSEA: Oh eh, ano naman? Sabi nga sa Moments of Love, ang pag-ibig, walang pinipiling panahon... walang pinipiling edad.

HELENA: Nanood ka pala noon?

CHELSEA: Of course. Hawig ko kasi si Iza Calzado...:) At doon ko natutunan na age doesn't matter naman when it comes to love. Parang yung sa inyo ni Lyndon. Height doesn't matter...


Naghiyawan na ang lahat (si Chelsea ang pinakamalakas humiyaw) nang magsimulang tumugtog ang Rayver-Maya...


CHELSEA: Go Merveeen!!!!!! Ang gwapo moooo!!!!!!!!! Hooooo!!!!!!





Medyo nagseselos si Chelsea kina Merven at Jaja habang masayang nagdu-duet... Lakas pa ng tilian ng block nila sa pangangantiyaw sa dalawa...


And they brought the house down nang matapos ang kanilang energetic performance... lalo na kay Merven.. hehe...


JHEC: Ito na po talaga... no joke na po talaga... binisita tayo ng isa sa mga pinagpipitagang singer sa bansa... please welcome... Ms. Imelda Papin...


At masigabong palakpakan ang sumalubong. Ang iba pa nga ay tumayo upang makita nang mabuti si Imelda lalo na si Lyndon na napakaliit lang... Na-Starstruck 'eh...



IMELDA PAPIN: Magandang gabi po, mga iskolar ng bayan. Naparito ako sa harap dahil habang nasa ibaba ako at kumakain, narinig ko ang lakas ng hiyawan ninyo. At ako'y natuwa na ang mga estudyanteng tulad niyo ay nakikilahok sa mga aktibidad sa pagpo-promote ng kahalagahan ng eleksyon ngayong darating na Mayo...


IMELDA PAPIN: Kaya po ang inyong lingkod... ay nagsasabi sa inyo ROCK THE VOTE! At wag niyo po akong kakalimutan sa Mayo 10, Lunes... ♫ Nang tayo'y magkakilala. Martes nang tayo'y muling nagkita. Miyerkules nagtapat ka ng yong pag-ibig... ♫


At nakisabay na sa pag-jamming ang mga estudyanteng nakakaalam pa ng kanta kay Imelda Papin...


IMELDA PAPIN: ♫ Huwebes ay inibig din kita. Biyernes ay puno ng pagmamahalan; mga puso natin ay sadyang nag-aawitan. Sabado tayo'y biglang nagkatampuhan at pagsapit ng linggo giliw ako'y iyong iniwan... ♫


IMELDA PAPIN: Pero kayo po, hindi ko kayo iiwan sa paglilinkod sa inyo. ROCK THE VOTE! Kaisa niyo ko sa isang bagong Pilipinas...


Palakpakan naman ang lahat...


At bago pa tuluyang maagaw ni Imelda Papin ang show na ito ay in-announce na ni Jhec ang winners....


JHEC: And now, the winners for Himigsikan 2010 who really rock the madlang UP people are...


Drum roll… dugdugdugdugdugdugdugdugdugdugdugdugdugdugdugdugdug...

*******************

Nag-celebrate sina Lyndon at ang mga ka-bandang sina Louie, Chris at Ramon sa bagong bukas na Courtyard, where there are about 20 or more stalls of bar and restaurants you can hop on during a night-out with friends. Meron ding live band na tumutugtog dito...


Humiwalay si Chelsea sa kanila at sumama sa celebration ng mga freshmen na Rayver-Maya dahil trip daw nito si Merven... :)0




Siyempre, sa celebration, hindi rin mawawala ang mga girlfriend na sina Helena at Sopheya... at ang malapit na rin sigurong girlfriend ni Ramon na si Caroline....


Nanalong second place sina Lyndon. Ang nag-uwi ng first place ay ang Rayver-Maya na mga first year Business Econ...


LYNDON: Ok na rin kahit second place tayo... magaling naman din yung Rayver-Maya...

HELENA: Kaya nga na-inlove yung kaibigan kong si Chelsea sa vocalistang lalake eh..


Habang nag-iinuman sila ng beer...


HELENA: Lyndon anong height mo?

LYNDON: 5'2. Bakit?

HELENA: Kasi sa height mong iyan, nagtataka lang ako kung paano ka nagkasya sa puso ko...

LYNDON: Lasing ka na nuh? Kumekeso ka na eh... Di ko alam na ang high-class na si Helena Sarmiento, makeso rin pala...

HELENA: Siyempre, Lyndon. Babae rin ako... natutunaw rin ako kapag nagmamahal...

LYNDON: Naku po... nagkatamaan na nga ata ng beer...

HELENA: Napuna ko rin Lyndon habang pinagmamasdan kita, napansin ko na parang tumangkad ka...


LYNDON: Talaga? Hahaha... Bakit naman?

HELENA: Kasi dati hanggang balikat lang kita, ngayon nasa isipan na kita...

LYNDON: Ah, ganun ba? Baka naman ikaw ang lumiliit, Helena...

HELENA: Bakit ako lumiliit?

LYNDON: Kasi dati lagpas ulo na kita, ngayon nasa puso na kita...


Nagtawanan sila. Natatawa sila sa mga binitawan nilang cheesy lines sa isa’t-isa. Ganun pala talaga pag in-love. Corny na kung corny. Ma-keso na kung ma-keso. Magagawa ba nila? Eh in-love ka ‘eh!


Pagkatapos ay tinugtog ng live band ng Courtyard ang kantang "The Gift."


HELENA: You know what, Lyndon. You’re GG to me...

LYNDON: GG? Ano ‘yun? Galunggong?

HELENA: Murit! God’s Gift ‘yun! Ikaw ang pinakamamahal kong kaloob sa akin ng Diyos....


Siyempre, kinilig si Lyndon...


LYNDON: Kaluguran daka.


Sabay hawak sa kamay ni Helena.


HELENA: Mahal din kita.


TO BE CONTINUED...

Next Episode: Episode 30: Unexpected Returns

Previous Episode: Episode 28: Creamline

Home